中國房地產市場

今次中央出手調控樓市在時間點上比預計早,但力度上應是市場可承受之內.

當措施推出後, 在上海和廣州馬上出現地王, 這不但意味游資充斥市場, 同時市場發現大城市中心的地是買少見少. 有點似現在香港的山頂和西九龍. 如果從區域性來看, 中國的上海, 北京和廈門可以較為看好.

上海立意要成為國際金融中心和航運中心. 這樣每一個外資都想往那裡落腳, 加上當每個人都想往大城市去闖去打拼, 上海的高尚住宅也會朝香港西九龍樓價模式進法. 中心區域的新建住宅是將包裝成高尚住宅, 每呎必是萬元起跳. 可用進二退一來形容今後上海的房地價.

可是普羅大眾的住房問題還是要解決的. 中國會更加強在城市週邊興建經濟適用房和保障性住房.

向陶老師請教

jszewin2009-12-12 22:18:45
陶先生，您好我是昨天在講座問您有關巴西的那位聽眾請問最後您提到的是玻利維亞嗎還有的是您說到港元的問題其實我們一直以來得到的認知便是港元會繼續與美元掛勾而在人民幣自由兌換前港元都不與之掛勾但那為何港元不能和人民幣一樣一藍子的貨幣?
博主回复：2009-12-12 23:18:07
是亚马孙流域或西伯利亚。港币可以由美元挂钩到与一篮子挂钩，但是港府和北京都抱着多一事不如少一事的态度。如果到时人民币真的还没有准备好，港币向一篮子货币看齐的可能性是存在的。

洪良國際: 麥根 MXN - 自然我出色

洪良是台資針織布料生產商及休閒運動服品牌商, 主要生產化學纖維物料的功能性布料，是李寧（2331）及安踏（2020）的最大供應商，國外品牌客戶有--Mizuno.Adidas.Kappa.Decathlon等、國內品牌客戶有--李寧、安踏、361度等.

洪良是集染織、服裝製造、品牌一條龍的高檔紡織運動休閒服裝的企業，也是唯一外商獲國家紡織部頒為<針織面料開發基地>的企業. 洪良亦擁有自家休閒服品牌 MXN，取MODERN (流行)與 NATURAL (自然)兩個英文單詞的主要元素， 09年度品牌業務銷售額占總營業額約 17.6%，現於內地約有 665個銷售點。

洪良 09年度的總營業額中，約 70.2%來自布料銷售，約 12.2%來自成衣業務。洪良08年6月底6個月的整體毛利率由26.1%,增至09年同業的約34.1%,主要因產品重心移至品牌休閒服,期間品牌休閒服的毛利率便達37.2%,與去年同期的26.8%相比,按年增長10.4個百分點。集資所得35%用作擴展MXN旗艦店，26%用作擴展MXN品牌，23%用作購買節能設備，不到10%用作收購。 洪良09年預測市盈率8-12倍, 於09年6月底的資產負債比率為3.8%, 未來派息比率不低於25%.

從互聯網上資料顯示, MXN 現在正在招攬特許加盟, 相信對這家以福建為基地的企業而言是一項快速增加市場佔有率的方式. 集團現在以何潤東為現言人, 而在最近在記招上, 地鐵站. 電車上也見到何潤東林嘉綺的宣傳, 貫徹其Modern and Natural 和針對青年人的形象. 此外, 洪良位列高功能性布料之市場前列地位. 雖然在是次招股上, 以針織布料主打, 但洪良是次集資所得會是用作拓展MXN品牌 (逐步將其業務重心往休閒服裝方向轉移). 如果與在本港上市之國內時裝零售股之PE和利潤率計, 洪良之IPO 訂價合理, 可以少量認購.

中國金屬再生資源

中國金屬再生資源控股是中國目前最大的金屬廢料回收公司. 早前執行董事王學良因不滿公司而呈辭,令 一度暴跌45% , 但中國金屬再生資源馬上委聘德勤會計師行審核1-9月份業績. 霸菱同西京都加注支持, 今早比大市反彈更凌厲 突破近日高位, $8.5 追入.

太平洋保險: 儲齊一套7行4保

太平洋保險正式黎到香港上市,建議上市後慢慢買. 太保本身訂價合理, 而管理層表示無意短期內到處買野, 都無意混業經營, 喜歡其做先好自己同純保險股嘅朋友可留意. 去年內涵值增長快, 睇黎其經營策略做對左. 加上仲有大量空間做股權型投資, 而且明年內地保險業嘅會計準則會改變, 未來利潤可以睇好.

太保已經上左A股, 要上市即勁升即食, 要睇其A股表現. 不如上市後慢慢買.

集中注碼: 勝利油氣管道

勝利油氣管道是中國最大的石油及天然氣焊管製造商, 未來可受惠於國內大力發展天然氣事業. 加上以管道形式運輸油氣, 無論從環保和經濟效益上都是值得國家大力支持鼓勵. 勝利之預期市盈率合理, 是這一輪新股中較有信心之一隻. 儘管招股時間有所延遲，但只是勝利需提供其公司的歷史之資料而已, 這不影響公司的質數. 而且勝利正計劃在18/12如期上市, 所以如果你用保證金形式 (IPO Loan) 申請, 只要3天利息, 可謂十分之抵!

一萬五千手貨嘅幻音數碼

科技大學有份投資的消費電子產品技術解決方案商幻音數碼, 估計超額百倍以上應該冇難度. 幻音數碼作為科技大學學術成果變成商業上市嘅第一炮; 股東們有科技大學校長, 香先生，四叔等，充滿星味; 該貨源不多，加上將是在創業板上市，很容易可以炒起了！

基於得三千手貨作公開銷售, 認購總額過 100倍, 都只有15000手為廣大市民, 可供分配手數甚至小於 0090.hk，也許要抽200-300手只能獲得 1手，而頂頭槌都可能得三五手，我們建議使用白表當抽獎。

巴黎春天百貨: 高檔內需概念

經過一大輪內房新股後, 有一隻內需股巴黎春天百貨IPO, 現分析如下:

(1) 巴黎春天百貨主要以內地高收入客戶;

(2) 預測市盈率為十六至十九倍, 內需零售股而言, 不是貴; ("較同業百盛（3368）的26倍、金鷹（3308）的29倍都為低，與新世界百貨（0917）相比則不相伯仲。")

(3) 中國經濟保持高增長, 對高檔內需市場是大有利;

(4) 往績紀錄期間中國春天百貨的營業額及利潤均錄得增長。截至2008年12月31日止三年，營業額的複合年增長率為104.8%，而公司淨利潤的複合年增長率則為94.3%。

(5) 有寶姿做Backup: "陳氏這間巴黎春天百貨，來頭絕不簡單。話說原來一開始，間公司係由法國的巴黎春天百貨與本港內衣生產商黛麗斯(0333)於96年成立，後來陳氏在01年買下，發展到現時在內地擁有10間自有店及4間管理店，同樣係走高檔路線，其租戶除寶姿自有品牌Ports之外，仲有Cartier、Burberry、 Gucci、dunhill、Chanel、Dior等名牌。北京的旗艦店「賽特購物中心」，更是位於最著名的核心購物地帶長安大街之上，都咪話唔厲害" (小琴密語@明報)



從綫上找到一些資料:

(1) 2007年巴黎春天百貨曾計畫在港IPO，準備發行12億股募集4億～5億美元資金，並獲得了包括富力地產、中國食品、及LloydGeorge、Pictet、High－bridge三家基金公司約7500萬美元的股份認購。但由於市況突然逆轉，截至2008年9月，巴黎春天百貨仍然無法上市，並招來花旗集團旗下風險投資基金拋來的一紙訴訟。

(2) 春天百貨專攻內地高檔市場，目前旗下擁有「巴黎春天」以及「賽特」等品牌。該集團網站披露，集團在內地擁有 17家百貨公司，其中五家位於廈門，三家在貴陽，兩家在北京；其餘分佈在長春、青島、南寧、太原及西安。不過，上海巴黎春天百貨則與春天百貨無關，是由香港上巿公司新世界百貨（ 825）擁有。

(3) 流動負債大於流動資產;

(4) 不擁有 "巴黎春天"商號之專屬權;

(6) 中國百貨業競爭激烈;

基於其2010之expected PE較其他上市之內地百貨低, 可適當認購. 目標價: $2.5-2.8

龍源電力如東項目

在Internet 上找到一些資料:

(1) "2009年11月4日，記者江蘇如東縣政府獲悉，在日前公佈的“新中國成立60周年百項經典暨精品工程”中，龍源如東風電場成為全國唯一入選的風電項目，也是南通市唯一入選項目。 “百項經典暨精品工程”包括天安門廣場建築群、鳥巢、三峽工程等。 　龍源如東風電場從2005年冬季開始建設，2006年8月，在如東環港外灘建起江蘇第一颱風電機組，10月，首批風機並網發電一次成功，改寫了江蘇作為經濟大省、風資源大省卻無風電的歷史。 　2007年6月18日，項目提前建成並網，成為中國第一個建成投產的兆瓦級風電特許權示範項目；2009年10月20日，龍源如東海上潮間帶試驗風場並網發電成功，成為中國第一個海上潮間帶試驗風場。 　截至目前，龍源如東風電場總裝機達到234台，發電容量35萬千瓦。按平均水準計算，每年可發送綠色電力8億千瓦時，相當於節約標準煤30萬噸，節水240萬噸，減排二氧化碳84萬噸，減排二氧化硫4800噸。"

(2) ."..隨著陸上風電資源的緊俏，不佔用陸地資源、裝機規模更大的海上風電項目正日益成為風電巨頭群雄逐鹿的新戰場。龍源風電先人一步，從灘塗進軍海上，搶佔新能源競爭制高點。10月20日，龍源如東海上潮間帶試驗風場並網發電成功。這不僅是中國第一個海上潮間帶試驗風場，也是世界首個潮間帶試驗風場。據了解，龍源風電規劃2010年在江蘇建成150兆瓦近海(潮間帶)示範風電場，2015年建成2000兆瓦近海(潮間帶)風電場。而如東風電場也將成為亞洲最大的海上風電場。"

龍源電力: 要風得風, 貴得有理.

與友人最近大家談到新股龍源電力, 戰友A1 和戰友A2 都覺得 PE訂得太高, 不想去馬或小注宜情. 筆者十分讚同小注宜情. 你可能博我, 你唔係成日都話大注博大贏? 每人可接受之心理壓力不同, 找一個合適嘅注碼, 一可減輕自己壓力, 二可控制風險.

龍源電力依家2009 Expected PE 五十幾, 2010 Expected PE 大約 廿幾. 如果單純睇數字, 一定係貴. 但係如果以佢未來增長同行業之比較和其行業前景黎睇, 便可以接受. 其優勢如下:

(1) 國電集團旗下的子公司, 發電場地區優良; 而且可得到優先注入項目;
(2) 亞洲最大風力發電商, 基金點都要揸番隻至大;
(3) 政策大勢是支持新和潔淨能源, 傳聞其生產出之風電可全數上網;
(4) 首間上市之風企, 上市之後可提供更更多的現金繼續其發展;

基於每手之價錢略高, 而且市場因最近民生和金沙之表現同埋杜拜事件之影響, 估計用Margin認購可以分到理想之股數.

上市首日目標價: $10, 市好嘅炒上$16唔奇.

摩比天線 (二)

從Internet中找到一些摩比之資料:

(1) "據悉摩比與中興通訊（763）關係密切，若干董事及股東間接擁有中興股權。摩比投資者包括軟庫旗下SB Asia基金、思科及美國創投基金Maintou，上市後SB Asia將成主要股東.";

(2) "目前摩比主要客戶包括諾基亞、西門子、中興通訊及阿爾卡特朗訊。初步招股文件披露，06至08年度及今年頭8個月營業額分別約3.61億（人民幣．下同）、6.268億、6.712億及6.324億，純利則為3150萬、5680萬、6190萬，而今年頭8個月純利為8420萬。";

(3) "《經濟通通訊社３０日專訊》......於０８年後期起，集團對內地網絡運營商的２Ｇ及３Ｇ網絡相關產品的銷售額大增，今年首八個月，集團向內地網絡營運商及方案供應商作出的銷售佔總收益９１﹒９％，儘管２Ｇ相關產品毛利率較低，但３Ｇ相關產品的毛利率較高，彌補了差額。旗下產品天線系統、基站射頻子系統及覆蓋延伸方案於今年首八個月的毛利率分別為３０﹒２％、２４﹒９％及３５﹒１％。　　集團表示，目前並沒有制定股息政策，日息金額將取決於營運業績、現金流量、財務狀況等因素而定。　　此外，據市場消息，摩比發展擬發行１﹒７５５億股新股，約９０％作國際配售，約１０％為公開發展，招股價介乎２﹒７２元至３﹒５元，集資４﹒７７億元至６﹒１４億元，每手１０００股，入場費約３５３５﹒３２元。　　據悉，摩比是次集資所得將用於擴充產能、收購、為３Ｇ技術作研發及一般營運資金。....."

基於PE比類似已上市同業便宜, 未來中國電訊業之前景, 可認購.

摩比天線 (一)

我仲記得某評馬人曾經講佢今季絕不在臨場比貼士! 無他, 他要在資訊鈴搵錢, 當然唔可以在大氣電波免費比馬啦! 但係我選擇在blogger 胡言, 一則Facebook唔係人人睇到; 二則唔係所有人喜歡波馬股, 無謂令唔好此道之人煩擾.

講番隻摩比, 我Like去當然係佢有一個好Eye-Catching的名. 暫時未有財務方面嘅Data, 但係兩則資料可以令您精神一震. (一) 傳聞佢老闆係中興董事長; (二) 保薦人派杰亞洲上次琥珀一戰成名!

三一, 金沙, 花樣, 民生.

收到很多電話，都是談及最近的首次公開招股。讓我試試為我所做的單子解釋一下。事先作一個聲明，我只是想與你們分享我做什麼，這不是一個投資要約，也不是投資建議.

我最喜歡的是花樣年. 不是因為他們的土地儲備或是因為我對內房股有深入的Research。 3簡單的理由告訴我他的優越。第一，背景! 她有一個強勁的老闆，記者招待會上來賓星光熠熠。直有細叔伯空群而出之感. 這給出了一個強烈的印象，我覺得這個IPO是“肯定不會輸”！第二，預期在2010年和2011年的是非常有吸引力的（低單個位數字），我相信一個好的發行價優於一個動人的故事。最後，內需保十要緊, 我相信大陸將不會推動任何使樓房市場低迷的政策。尊尼暗盤夢幻價: HK$2.6.


第二挑選將是民生銀行。是的，他們給予市場的印像 和一些數據確是不如其他6間在香港上市的中國銀行。但是，它的預期P / B為1.8而且在香港上市一個目標是因為要加強資本充足，以支持其未來的增長。這是一個非常積極的原因！中國金融市場越來成熟, 越多的公司可發行債券等的工具，去滿足他們的需要. 因此，中小企和消費市場將是銀行業的未來的增長點。這正是民生銀行現在所做的。本次IPO主要的風險是上市期間時的A股的表現! 尊尼首日目標價: HK$10.5.


跟著是三一重裝. 他們是煤炭機械設備: 挖進機的龍頭. 有自己的Research Team, 相信上市集資後, 可以有更大的財力去進一步發展. 他們的過去的利潤率相當不錯，這就是為什麼他們會想以更高的PE (相對於其他同類公司)上市 尊尼暗盤大想頭目標價: $6

最後可以抽金沙。他們有良好的市場份額和有一個良好的品牌名稱。是次IPO有兩個主要目標是：降低債務和完成在澳門星光大道項目。他們的老闆說未來幾年他們是不會分配的現金紅利，因為他們需要降低債務。不過，我相信，澳門的故事沒有結束。博彩和旅遊是澳門的主要產業。我們有理由相信澳門或中國政府不會推動任何使博彩和旅遊市場低迷的政策。如果您有訪問澳門，你便會知道哪一個賭場可以給你一個拉斯維加斯風格的體驗。我不認為客戶的來源和新加坡即將落成的賭場將有很大的重疊。金沙主要的風險是大陸政府對國人往澳門出入政策之限制。尊尼買大細價: $16.8

承達可取之道

今晚御宅男冇人約，為大家講下隻承達。原先一睇係港資公司，都少左多少興趣，而且得萬令手貨作公開發售，爆一百倍回撥都係七萬幾手, 所以無論熱爆唔熱爆，可能又好似隻琥珀，起老孖都唔中。但係睇完國際配售同路演反應後，小第又有啲興趣睇下佢啲料。先說明小第睇嘅書圖畫為主，文字甚少，所以在此胡說八道，並不構成投資邀約也。未知是否新股潮正盛，今日東週刊和經濟日報俱專題報導承達。無可否應，做裝修工程的，始終遇上收數難嘅問題。而且承達港澳業務為主，國內業務只佔三趴多一些，中東杜拜的，更是只聞樓梯響，未來的業務是否能保持強橫增長，確是值得關注。而且今次上市，有部份舊股出街，記者問為什麼? 老細語之，太多新股會稀釋現有股東之權益也！確是依書直說. 加上恆指似乎受制於二一三零零，抽此新股確是未能像金隅般狠。但富貴險中求，承達是否全無可取之道呢？

第一，承達為保薦人工銀國際嘅頭炮，相信為了揚名立萬，不難像派傑亞洲嘅琥珀般，成一路奇兵。第二，做生意講人脈, 承達夠哂。半山一號，日出康城，都會馬尺，名門，新萄京等，儼如長實和賭王之御用公司，難怪彤叔同四太都入飛為其背書。仲有好似未來東涌同大圍車廠嘅大盤都係佢做。再者世博香港館張單都攞到，實更見力強勁。雖然中東業務尚是未知數，但觀乎集資額中部份留作發展當地業務之用，決心可見。而最重要的一點乃現今香港澳門甚至內地嘅盤大堂會所裝潢越見華麗，樓價都賣高啲！承達作為業內大哥，必可受惠於此一趨勢。筆者給予其"上市日可見價" 為五元五角。

琥珀好難中，三百五先可中一，所以大家都覺得承達都要過百先中。由於承達在行內之地位有如長實，信和同賭王之御用公司，所以更加吸引小第仔細研究。琥珀集資億幾，呢隻六億。琥珀超額千逾倍，呢隻我估最多一二百。可分派手數應該似秦發，我估三十可中一，一百搏三。但耀才孖展要二十萬股起，眞係少見，難道是琥珀效應，大家都要大棍乎？都係個句: 大家量力而為.

北京金隅 (2009.HK) 分析 (二)

今日講埋隻新股策略.市場氣紛都好重要. 依家奧巴馬都開始放風話要加料救市, 波羅的海指數, 金價, 油價都向下, 日元向上, 市況有d立立地. 所以全副身家哂冷落去, 我唔建議. 保險d嘅做法係用間有暗盤嘅股票行抽, 比自己多一個提早散水嘅機會! 咁玩老Mar呢? 嗱, 以依家嘅氣紛, 我估抽單頭或者兩三手可能得20-30%中. 如果您用自填黃表或白表抽慳手續費, 我冇野講. 否則不如抽最底嘅老Mar. 當你用一般嘅行, 本金最少一萬計, 即係要玩老Mar起碼抽20000股 (40手). 即係你要比萬三蚊本, 利息三厘好未, 六日息都係比三十蚊利息, 但係你已經可以博有第二手!我估市況好, 上到十蚊唔出奇, 正路計應見$8, 唔見得會穿招股價. 第一市場依家$$多, 第二呢集股係係等左好耐先有嘅H股! 之後仲有大把要落黎上市, 例如中國冶金A+H上市同出年隻京滬鐵路! 作為先頭部隊嘅2009, 表現唔會太差. 第二係市場上有d叫專玩IPO嘅Fund, 例如MQ. 傳聞佢做唔到基礎投資者, 以2009嘅H股身份同SIZE. MQ上市要吸貨, 咁隻股都會有一定嘅Support. 第三嘅係2628係新股王, 承諾得做基礎投資者, 同有六個月禁售期, 應該幾睇好! 咁您點估$8, 都話係估囉!

學李先生話齋 ------------------- 大家量力而為!

北京金隅 (2009.HK) 分析 (一)

今晚先講下隻金隅, 有星級嘅基礎投資者. 中人壽大家都知佢係正宗係鳳凰無保不落. 仲有少有出擊嘅中銀投資同中投, 傳聞話造訪有關人士幾次先有份入位嘅OZ同糖王. 更加可能有幾家東南亞嘅建材商可能入股! 好嘞, 依家睇下劉央, Uncle 4同大劉出唔出手! 證券商如致富更破天慌地早一個星期接受Margin Reservation! 嗱! 你可能話依家市場睇到琥珀咁堅, 大陸A股IPO仲堅, 市場充斥遊資, d證券行早d出動搵生意好正常呀!? 但係大家一定要知, 致富係好保守嘅! 可以話係清清河邊草, 保守過HSBC同中銀! 當年07新股潮時, 佢都係少少地Offer幾隻! 咁您話隻2009係唔係堅呢? .講番隻2009, 有強勁嘅基礎投資者, 仲有證券商推高哂d atmosphere. 咁隻野有冇 Selling Points???? 有! 今次sell 一條龍. 隻野有4大業務. 1係水泥, 2係建材, 3係賣樓, 4係物業管理! 可以由頭吹到尾, 食哂成條產業鏈, 佢都真係頂瓜瓜! 記住本人不是證監會持牌人仕, 冇讀過任何BBA MBA DBA CFA CFP ACCA CIMA ASCPA 等等, 所以全文絕不構成任何投資要約. 簡單d講 -------------- 輸左$唔好話我.

未講業務前, 先講下隻金隅嘅股東. 大家都知佢係等左成年咁耐先有嘅H股. 話得係H股, 大大大老板當然係國家, 咁第二, 第三....?? 中國中材同合生. 一間係建材商, 一間係地產商. 呢點可以睇出金隅嘅業務Strategies! 果然是係做到連股東都係合縱連環, 獨一無二! 如果資料冇錯, 佢黎香港applied上市係申報以建材為主業. 咁樣更加可以令到金隅得到一個較高嘅估值.北京金隅業務縱貫建材生產上下游，去年水泥業務收入佔公司整體收入近四成，新型建材及房地產業務各佔三成及兩成，剩下不到一成來自物業管理。第一二樣主業係建材同水泥, 睇初步資料應該唔錯, 在某幾項領域上都係龍頭. 而且d 出品大部份以環保因先, 符合國策! 廠房舊年Passed哂環保評估, 勁! 水泥更加是京城地區阿一, 最重要嘅係Beijing Olympic 大部份水泥材料都係由佢地提供, 証明d 野掂, 人脈強勁! 雖然奧運完左, 但係未來隨住京滬鐵路同天津環渤海新區嘅發展, 生意冇問題!第三樣係賣樓, 根據六月份最新嘅數字, 首都樓價已重回2007頂端嘅售價! 而且佢d樓盤用番自己d建材同水泥, 直情一條dragon! 雖然依家國家好似要收緊番d Loan, 特別係第二套房嘅Mortgage, 但係家下內需要緊, 相信樓房價格可以保持平穩! 第4 樣係物業投資同管理, 可以為集團帶來現金流, 更增強幾分防守力!根據報導金隅Margin 已有幾十億預訂, 而單係信誠一間行都比人Mark左成45億. 隻野香港公開認購部分都係得6億元. 睇黎要超百倍, 令到要回撥到公開認購部分至50%冇問題! 國際配售方面, 五位基礎投資者要左1.75億美金嘅貨 (記住人地係唔駛抽嘅!). 計埋回撥番比公開認購部分, 即係國際配售得番十幾億港元嘅貨比d大戶, 依家話東南亞建材商要買, 仲有d Fund呀富豪呀, 貨源一定唔夠分, 佢地可能去番公開認購度攞貨! 隻股睇個勢一定6.38最高訂價!

先講下估佢上市後可以升到幾多. 依家09年金隅PE 估計係19倍, 同海螺差唔多. 但係佢主打建材, 如果同隻3323嘅12倍PE比咁就貴好多. 但係佢都做埋Real Estate喎, d盤仲用番自家嘅水泥同建材, 玩一條龍概念. 而且金隅可以得益於政府嘅刺激經濟方案的實施，加埋內地房地產市場逐漸復蘇, 估出年Profit 升50%冇問題. 依家可以用2010 Expected PE 來做估價, 咁如果market因為佢嘅高增長, 依然比20倍PE, 咁上市見$10絕對唔奇! 呢個都符合左2628 投資IPO大雞唔食細米嘅性格!

咁係唔係真係正到冇野彈呢? 有幾點大家要留意! 第一訂價唔係平, 以佢未來增長之估計, 叫合理啦. 但係依家以上限訂價計, 09PE去到19倍, IPO反應好, 仲有15%超額配售權, 到時PE仲高! 第二, 負債率去到六十幾個巴仙, 有d高, 但以2009嘅發展速度同半隻地產股計, 都合理, 至緊要睇下招股書佢d債要比幾多息! 第三內地水泥產能有過剩問題. 幸好水泥呢一行有黃金三百里法則, 因為要在其他省份買, d運費仲貴. 新近大摩出左份報告, 華北地方d水泥仲係求過於供, 所以佢北京龍頭地位同區分計, 唔駛驚. 仲有佢大部分嘅地係工業地, 而土地多位於四環或以外! 但係中心區分唔易發展, 四五環反而有利攞平地同起野發展! 加上佢做經濟適用房及兩限房, 毛利少! 但呢樣就合國策, 而且同埋以佢大老板嘅身份, 足可令佢生意日日有, 貨如輪轉!

我估d行日日吹d老MAR比人訂左幾多幾多, d保薦人話幾多人要貨, 傳媒日日大版吹行佢, 隻野會好搶手!

中國忠旺, 想抽便孖展!

中國忠旺(1333.HK）抽得過嗎？ 大家一齊brainstorm 下。近年少見在集資額幾曰 間加完又加, 由六十二億加至七十八億，再加至一百二十三億。原本一手一千股， 盛惠八千八百八十八個八，典解要拆成四百股一手呢？益下大家？？明明賣鋁材， 而依家原材料股都係個位PE, 用基建概念就可以訂價高些？本地大眾現在少人吼呢隻， 但勁講有十幾個冇開名的大孖沙會入股而國際配售已超額三倍, 有人咁有眼光?？SET 到個招股範圍成三成闊但又IPO未完便話用下限定價，玩野？ 匯豐自中國南車後，再提供孖展，真係為左為中冶熱身？反而集資有部分用來還錢，大家唔駛太介意，因為創投基金本來就係想將個項目壯大上市套現。

我愛IPO (2)

好，既然新股最重要係概念，那麼是否吹到天花龍鳳和前途無限就得呢？例如在地球某一方有個礦或者母公司可能在唔知幾時會注入資產就得呢？我會話食正潮流興什麼重緊要。戰友通路E用左一個好生動的例子。德昌電機做摩打，近年股價受壓，但係中國高速傳動係做風力發電設備，以我等AL Physics 的知識，應該兩者係用番咁上下原材料，只不過一個係由電力推動，一個係又風力推動而產生電力。典解179比人質而隻658就越走越有呢？ concept 是也。

我愛 IPO (1)

筆者喜歡抽新股，一則計算較易，二則就算出動大孖展，風險也較平常借貸炒股少也。筆者的啟蒙老師有兩位，一為花旗E, 另一是舞蹈A也. 在文章之初，先行謝之，但願大家小注可置產，大注能興家。舞蹈A 經常鼓勵小弟以IPO為題，寫番幾篇，今欣逢牛一之初，新股回春，亂吹幾句，睇完笑笑，不喜勿插也。此文將會在筆者閒時連載於此和我的部落格間中一棍搵餐茶. 由於要用ipod的手寫輸入，大家請耐心等待更新。新股要寫嘅野好多，例如筆者點受花旗E和舞蹈A啟發，點樣由IPO處搵多少去飲奶茶食蛋撻，點解同戰友E攪到食撻碎，什麼是龍門夜宴和泉章居相聚，如何在銀行街搬錢等. 至於出場人物仲有朋友T, 老師A, Joann姐和周周. 好, 序寫到呢度，咁新股最重要係咩呢，就係概念！