再評ibond 二三事

欲罷不能，再評ibond 二三事。

原本無意再寫ibond這個城中熱話，但這兩天看到尊敬的林少陽先生在其專欄談到ibond, 大有不能同意更多之感，所以手癢癢再補兩筆讀後感。

不論是上次的4208或是今次的4214，部分投資者總是有三個迷思：（1） 買債券賺得幾多呀，一手拾得嗰幾百；（2）用孖展？危唔危險啲呀，我過唔到自己嗰關喎；（3）咪儍啦，個個都當ibond好似新股咁，想一開巿即沽，到時人迫人，個個爭住沽之下，因住穿埋IPO價呀！

近年, 買人仔同黃金可以用行騎樓底帶鋼盔來形容，但是說到要包蠃實冇輸, 便一定非ibond莫屬。仲記得彼德林治說過 "whatsever the Queen is selling, buy it." ibond 妙就妙在嗰至少百分之一的保證回報，所以上市第一日幾可肯定債價一定高過ipo價，再說政府好像已委任兩間行做巿場莊家，流動性問題不大. 大家也可以去搵間劵商打埋本比您,免本做十成孖展而又乜手續費利息都免嘅開戶，加埋有券商提供新客戶頭一個月沽貨免佣，真係爽過排隊買中銀鈔矣。最多抽中左之後,因為使用十成孖展下戶口結餘不足而比被收取兩日貴息，但每手ibond都係收十元左右。可以話由申請截止到Draw 錢大約十六日，有五至六趴回報,　正! 就算分派結果真的是一人得一手，起碼都可以博番個半島High Tea。

筆者今天收聽電台節目，嘉賓說巿傳有證券商向其抽中ibond嘅客戶保證首天用$107收購。筆者還在求證之中，但我相信ibond上市首日未必可達$107, 所以如果這個優惠屬實，這間行值得幫襯。

至於目標價，我相信隨著經濟的放緩，短期通脹可能放緩至百分之三點五左右，但隨著各國繼續減息鬆銀根印銀紙，未來高通脹可期。我們不妨假設通脹率為3.5%, 而無風險嘅巿場利率為恆生銀行三年期港元定期牌價的0.5%（也可使用三年期美債的0.36%），將之放進工式，理論價應為$108.9 。但基於每個人對通脹之預估不同，參考4208首日上巿價與理論價之折讓，估計4214的首日掛牌價為$105.7左右, 剛剛和今天4208的收市價相同.

基於4208和4214都是跟據定息日前六個月的通脹率去決定派息率，所以按理未來幾期派息額應該十分接近，但4214會比4208遲一年才到期，所以4214市場價格應比4208為高。網上的債價計算機十分方便，大家不妨代入不同嘅數字計一計。